بساتين

نصيحه...من سلمان

الدنيا وشما تفرج همّك ...هم لازم فد يوم تصد

والدولاب اليفتر بيك... مرّه وياك ومرّه يضد

لا تصدّك للشوك وعوده ...خليها وياه سد بسد

وشما طالت بيك الظلمه...شمسك لازم تطلع غد

صون حجاياتك والسانك...حسّب زين وزيد العد

والشطّك سوّيلك مرسى...وابني لذاك المعبر سد

ساس الخوّه لازم يبقى...مثل المبنى حل وشد

والغايب وشما طوّل...يرجع وتبوسه من الخد

والمايذكر يوم اخوانه...ملعون ومن سابع جد