الولايه

يالولايه اجيتج شايل همومي لكيت همومج هوايه

نخله وشامخه تظلين وعليج سفوح روّايه

عليش الدهر مجفي وياج وكل الناس رمّايه

طيبه ويا حلاة التمر بعثوكج وكل الناس حوّايه

حسافه وياحسافه على الزمن ياناس

وحرام على النشف مايه

وحرام وياحسافه النوب

يابنت الآصل والطيب منّج باكو هوايه

انت الآهل والصحبان وانت الشمس وافيايه

انت الآصيله الشامخه تظلين

اصيله وشوفتج غايه

من دبلن اجيت اني متعنّيج

والجدمج جبت الغرب عنّايه

دفتر ذكريات ويا زينة الحلوات

مضيف ودلّه وفناجين ونارج دوم جوّايه

ما شخبط عليج القلم والبارود وأهلج روس علاّيه

عفيه عليج ياسمره وكحيلة عين

وماتنراد سعفه بدون سلاّيه

وهم ارجع واكول النخل يا ناس

اصيل وما نشف مايه

يالولايه اجيتج شايل همومي

لكيت همومج هوايه